Suportado sang Alliance of Concerned Consumers in Electricity and Social Services (ACCESS) ang partnership sa tunga sang Negros Electric and Power Corporation (NEPC) kag Northern Negros Electric Cooperative (NONECO) paagi sa Joint Venture Agreement (JVA).
Suno kay Sancho, sa tunga sang padayon nga reklamo sang mga consumer sa Northern Negros nahanungod sa indi maayo nga serbisyo kag kulang nga supply sang kuryente, ang gin-propose nga partnership ang ginalan-taw nga may daku nga potensyal nga mapaayo ang power services sa rehiyon, ilabi na sa padayon nga pagsaka sa demand sang kuryente sa Northern Negros.
Samtang, ang ACCESS kag ang Power Watch Negros ang nagabulig man sa mga konsumedor sa Northern Negros paagi sa pagpabaskog sang Alliance of Consumers in Northern Negros (ACNN).
Sa kabug-usan, ginalantaw sang ACCESS nga ang ini nga kolaborasyon ang may daku nga potensyal nga makahimo sang mas mabakod, mas efficient kag consumer-centric nga power service framework sa Northern Negros, nga naga-allign sa tinutuyo sang ACCESS kag ACNN nga magpromote sang masaligan kag efficient nga access sa enerhiya para sa tanan.
