Ginapaandaman sang Corporate Energy Sourcing & Regulatory Affairs sang Negros Electric and Power Corporation ang mga konsumidor nga lauman ang pagsaka sa power rate sa bulan sang Abril bangud sa kinagamo sa Middle East.
Sa interview sang Bombo Radyo Bacolod kay Engineer Christian John Villena, ang inaway sa Middle East ang may yara sang indirect impact sa power rate.
Suno kay Villena, ang Negros Power ang nagagamit sang coal kag ini ang nagikan pa sa iban nga pungsod kun sa diin apektado ang transportation.
Dugang pa sini nga ang isa man ka nagaapekto diri ang pagbayluhanay sang piso kag dolyar ukon ang foreign exchange.
Magluwas sang ini nga factors ang Abril ang summer na gani mataas ang power demand.
Ginpahayag man sini nga ginalantaw sang Negros Power nga indi magdangat sa P2.00 pagsaka sang power rate sa pihak sang ginpagwa sang Energy Regulation Commission nga ang power rate increase ang magasaka sa P2.00 tubtob P4.00.
Suno kay Villena wala man sang kahangaw-an nga madulaan sang energy supply bangud ang NEPC ang ini man dependent sa diesel.
Apang wala man sini gindula ang mga posibilidad sang pagdelay sang supply sang coal sa tion nga magpadayon ang kinagamo sa Middle East.
