Nagdangat sa P97.78 million ang balor sang kahalitan nga gintuga sang dry spell sa mga humay kag maisan sa Negros Occidental.
Sa data nga ginpagwa sang Office of the Provincial Agriculturist, 135 ka mga Barangay sa 19 ka mga banwa kag ciudad ang apektado sang dry spell sa probinsya.
Nagdangat naman sa 2,189 hectares ang apektado sang drough kun sa diin 2,585 farmers ang nagreport nga nahalitan.
Kalakip sa mga nahalitan ang mga humayan kag maisan gikan sa 1st District tubtob 6th District sang Negros Occidental.
Santo sa record, P93 million ang kahalitan sa humayan samtang P4.73 million naman ang kahalitan sa maisan.
Apang suno kay Negros Occidental Governor Eugenio Jose ‘Bong’ Lacson, wala nagsugot ang Bureau of Soil and Water Management sa ila request nga magpatigayon sang loudseeding operation.
Suno diri, nag-apelar sila sa nauna nga desisyon sang bureau apang ginpahayag sang experts sa ahensya nga wala sang seedable clouds sa Negros Occidental gani wala sang malauman bisan light to moderate nga ulan bisan pa magpatigayon sang cloud seeding.
Nahibaluan nga masobra isa ka bulan na nga wala naka-uilan sa probinsya sang Negros Occidental kun sa diin pila ka mga banwa ang nagreport nga ginakulang na sang tubig.
