Nagdangat na sa P214,150,262.20 ang kahalitan sang El Niño sa mga humayan kag maisan sa Negros Occidental as of May 3, 2024.
Sa interview sang Bombo Radyo Bacolod kay Negros Occidental Provincial Agriculturist Dr. Dina Genzola, nagdangat na sa masobra P208 million ang kahalitan sa humayan samtang masobra P5.8 million naman ang kahalitan sa maisan.
219 naman ang mga barangay nga apektado samtang 5,574 naman ang mga apektado nga farmers kun sa diin nagadangat na sa 4,183.78 hectares ang nahalitan nga talamnan.
Aminado man si Genzola nga may mga ulan na nga nagtupa sa probinsya apang ini ang indi pa bastante nga makabulong sang kauhaw sang mga pananom.
Apisar nag may mga nagkalalaya na nga mga tanom nga indi na masalbar, may mga nabilin pa nga sarang makasalbar kun makasuyop sang bastante nga tubig.
Ginpakamaayo naman sini nga bisan paano makakondisyon sang gamay sa duta ang inisyal nga mga pag-ulan.
Ginalauman sang mga ini nga sa katapusan sang Mayo ukon sa Hunyo magatupa na ang madamol nga ulan.
Ginaseguro naman sang National Irrigation Administration (NIA) nga matululunga sang patas ang nabilin nga tubig sa malab-utan nga mga agricultural farmlands.// Samtang padayun man ang monitoring kun ano ka dako ang ginnubo sa produksyon.
