Natalana nga mag-atubangay nanday Vice President Kamala Harris kag former President Donald Trump sa isa ka televised debate subong nga adlaw, alas 9:00 sang aga oras sa Pilipinas, samtang nagahilapit ang US Presidential Elections sa Nobyembre.
Ginalauman nga minilyon nga mga American voters ang magatune-in sa ginalantaw nga nagaisahanon nga debate sa tunga nanday Trump kag Harris.
Sa karun ang duha ka rivals ang tie sa mga polls.
Para sa 59-anyos nga si Harris, ini ang mangin isa ka kritikal nga tiyansa nga madaog ang mga botante nga madutay pa lamang ang nahibalua natuhoy sa iya.
Ang 78-anyos naman nga si Trump ang magatuyo nga ihaboy kay Harris ang mga issue may kaangtanan sa ekonomiya kag immigration apang sarang man nga i-unleash ang mas racist kag sexist nga mga insulto nga iya ginhaboy batok diri sang ini ang nagapangampanya.
