Ginpanginwala sang kampo ni anay Department of Public Works and Highways engineer Brice Hernandez nga pagabawion sini ang testimoniya sa anomalous flood control projects.
Suno kay Atty. Ernest Levanza, abugado ni Hernandez, indi matuod ang gina-alegar recantation.
Wala na naghatag sang dugang nga detalye si Levanza apang ginpahayag sini nga mahatagan sang kaathagan ang nasambit nga butang sa pagbalik sang Senate Blue Ribbon Committee hearing sa Enero 19.
Samtang, suno kay Blue Ribbon Committee chairperson Panfilo “Ping” Lacson nga diskusyunan sang committee ang gin-report recantation sa tion sang hearing.
Nagpa-andam man ini sa mga indibidwal nga mag-recant nga mahimo sila makasuhan sang perjury bangud ginhimo ang ila testimoniya sa under oath.
Nagtuhaw ang issue kasunod sang mga alegasyon nga nag-recant sang iya testimoniya si former DPWH District Engineer Henry Alcantara butang nga wala nabaton sang Department of Justice (DOJ).
