Nagfile sang Certificate of Candidacy ang grupo ni Vice Mayor El Cid Familiaran sa Commission on Elections- Bacolod para magpapili sa 2025 midterm elections.
Kaina sang aga nagpadulong si Councilor Atty. Renecito Novero sa opisina sang Liga nga mga Barangay para magpatsekyar sang dokumento sang iya grupo.
Suno kay Renecito, may yara pa sang corrections sa mga dokumento kag ila pa ini nga ginproseso kag nagbalik na lamang sang hapon.
Si Vice Mayor El Cid Familiaran ang magapapili bilang alkalde sang ciudad sang Bacolod samtang si Novero naman ang magapapili bilang bise-alkalde.
Pahayag ni Novero, madali lamang ang pagdesisyon kag pagtawag sa iya nga magpapili bilang bise-alkalde.
Suno diri, nakita ni Vice Mayor Familiaran nga kinahanglan ang assistance sini bilang bise-alkalde sa ciudad.
Dugang pa sini, may yara ini sang nakita nga indi matarong sa ciudad kag nakonsensya ini nga bayaan kag indi magpartisipar sa mga nagakatabo.
Nagpahanugot ini nga magpapili agud nga may yara sang pilian ang pumuluyo sang ciudad kun sin-o ang maayo nga ibutang sa pwesto.
Ginpanugyan man sini nga botohon sang tawo ang insakto kag likawan ang pagbaton sang suhol nga suno kay Novero isa ka ‘demonic system’ sa election.
