Kapin 30 ka mga Palestinians ang napatay sa Israeli airstrike sa isa ka eskwelahan nga ginatiniran sang mga nadisplace nga mga tawo sa Gaza.
Suno sa mga health officials, ginpahayag sang Israel nga ang target sang pagpang-atake ang mga militante nga nagagamit sang compound.
Suno sa Hamas local media, 15 ka mga kabataan kag walo ka mga babayi ang napatay sa pagpang-atake sa Central town sang Deir Al-Balah.
Suno sa media office kag health ministry masobra sa 100 ka mga tawo ang nasamaran.
Ginpahayag sang militar sang Israel nga target nila ang mga militante nga nagaoperate sa eskwelahan kag naghimo lamang sila sang tikang agud nga indi marisgo ang mga sibilyan.
Ginsakay sa ambulansya kag gindala ang mga nasamaran sa Al-Aqsa Hospital sa Deir Al-Balah apang pila ka mga tawo ang naglakat lamang pakadto sa ospital samtang madamo sang dugo ang mga bayo sang mga ini.
Santo pa sa report madamo ang mga tawo ang nagbalik sa lugar matapos ang pagpangbomba.
Bangud sa pagpang-atake nawasak ang mga dingding kag naglapta ang debris sa schoolyard kun sa diin pila ka mga salakyan ang nagkalaguba.
