Natalana nga iga-deploy ang kapin isa ka libo nga summer jobbers sa Bacolod City sumugod sa Mayo 15.
Sa interview kay PESO Bacolod Coordinator Jovelyn Canoy, ang mga ini ang igadeploy sa magkatuhay nga opisina kag Barangay sa ciudad sang Bacolod halin sa May 15 sa idalom sang Special Program Employment For Students (SPES).
Ang mga summer jobber ang ginabug-usan sang mga Out of School Youth kag mga estudyante.
Suno kay Canoy sa kapin 1000 nga summer jobbers, 200 diri ang ang ginpondohan sang Department of Labor and Employment (DOLE), samtang ang nabilin nga mga benepisyaryo ang gin-suportahan sang Local Government Unit.
Sa sulod sang 20 ka adlaw, pila sa mga summer jobbers ang ibutang sa mga barangay, ilabi na sa mga lugar nga limitado ang serbisyo sang PESO, agud magpatigayon sang survey kag makilala ang mga persona nga naga-edad 18 tubtob 30 anyos nga wala sang trabaho agud nga ma-account ang unemployed nga mga residente sang ciudad.
Samtang, ang iban naman ang ipahamtang sa nagkalainlain nga mga opisina sang ciudad, kun sa diin iangay ang ila nga kurso sa opisina nga sudlan.
