Magafocus ang deployment sang kapulisan sa Bacolod City sa pag-umpisa sang Semana Santa sa mga mayor nga mga simbahan.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, tatlo pa lamang sa karun ka mga simbahan ang naka-apply sang permit para sa mga natalana nila nga aktibidad sa Semana Santa.
Ang BCPO ang magadeploy man sang mga police personnel sa mga dalagko nga mga simbahan kasubong man sa ila nga mga aktibidad kaangay sang mga prosesyon.
Ang mga ini ang magapadala sang motorcops agud manguna sa mga proseyon kasubong magabulig sa pagmanage sang trapiko upod sa mga traffic enforcers.
Pahanumdom sini sa mga motorista nga mangin mahalungon sa pagbyahe kag magpanilag gid sa mga lugar nga may mga aktibidad ang simbahan.
Suno diri, dapat nga magserbe na nga leksyon ang natabo sa Barangay Alangilan nakaligad nga Biyernes Santo kun sa diin gin-arado sang mga hubog nga Indian Nationals ang mga nagaprosesyon, nga nagresulta sang tatlo ka napatay.
Madumduman nga masanag man ang area kun sa diin natabo ang insidente kag makita man ang madamo nga mga tumuluo nga nakaparada.
Nagalaom si Bonilla nga wala na sang kaangay nga insidente subong nga Semana Santa ilabi na nga madamo ang mahinay na ang pagpadalagan sang salakyan agud mangin makini sa gatong karun nga nagatimbook ang presyo sang mga fuel products.
