May person of interst na ang EB Magalona Municipal Police Station sa suspek nga nagluthang-patay sa 43 anyos nga lalaki samtang nagakatulog sa duyan sa Hda Banilad I, Barangay Nanca, EB Magalona, Negros Occidental, sang Abril 9, alas-5:00 sang hapon.
Ang biktima ang ginkilala nga si Renante Belleza, 43 anyos, kag residente sang nasambit nga lugar.
Suno sa pamilya sang biktima nagakatulog sa duyan si Belleza sang may nabatian sila nga mga linupok.
Dali-dali sila nga naggwa agud makit-an ang sitwasyon apang ila na lang nasapwan nga wala na sang kabuhi si Belleza.
Sa interview sang Bombo Radyo kay PCapt Eric Doronila, hepe sang EB Magalona Municipal Police Station, ginalantaw nga may kaangtanan sa illegal nga druga ang motibo sang krimen.
Suno diri, ginalantaw nga person of interest ang kaupod ni Belleza bangod sa pagdumot angot sa pag-engage sa illegal nga druga.
Nagpanawagan man ini sa mga witness nga indi magkahadlok nga magpalapit kag maghatag sang impormasyon.
Pahayag ni Doronila, nagapasalig ini sang safety para sa kay kun sin-o man nga luyag magbulig sa pagsolbar sa krimen.
