May yara na sang persons of interests ang mga kapulisan sang San Carlos City Police Station sa nagpangawat sa isa ka mall sa ciudad.
Nakuha tanan sang mga kawatan ang mga laptops, cellphones, vapes, perfumes, pagkaon kag cash gikan sa ila ginkawatan nga Gaisano Capital Mall sa ciudad sang San Carlos kadungan sang Black Saturday, Marso 30.
Ang mga items gikan sa nagkalain-lain nga mga stall sa sulod mismo sang mall.
Nahibaluan nga sadtong Biyernes Santo, nanirado ang mall bangud sa Semanta Santa kag patay ang tanan nga CCTV cameras sa sulod bilang amo ini ang polisa sa tion nga manirado ang mall.
Ginabanta nga yara sa P450,000 ang bili sang mga kagamitan nga ginkawat sang mga suspek.
Sa interview sang Bombo Radyo Bacolod kay Police Major Ryan Villasario, deputy chief police sang San Carlos City Police Station, nagapadayon ang ila imbestigasyon angot sa insidente agud nga matumod ang mga suspetsado nga may kahimuan sini.
Santo man sa imbestigasyon sang mga kapulisan nga sa Aircondition Ducting sa likod nga bahin sang building nagsaka ang mga suspetsado, kag naglusot sa mga manhole sang kisame sa nagkalain-lain nga stall.
Suno kay Villasario, may yara na ang mga ini sang persons of interests apang wala sila sang nagakaigo nga ebidensya agud makapamatuod nga sila ang suspek sa pagpangawat sa mall
