Preparado na ang mga kapulisan sa ciudad sang Bacolod sa pagbantay sa mga patigayunon nga protest rally sa Lunes, kadungan sa ikatatlo nga State of the Nation Address (SONA) ni President Ferdinand ‘Bongbong’ Marcos Jr.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, santo sa Chief of Operations sang Bacolod City Police Office (BCPO) duha ang rally venue nga ginalakipan sang Bacolod City Government Center (BCGC) kag replika sang Government Center sa Bacolod City Public Plaza.
Paathag ni Bonilla nga apisar yara sa ila area of responsibility ang Public Plaza, ang BCPO Headquarters ang magapadala man sang augmentation, kasubong man mga personnel gikan sa lainlain nga Police Stations.
May-ara man sang ideploy nga magaderiher sang trapiko.
Ang mga magaprotesta sa duha ka venue ang ginalakipan sang mga ralihista gikan sa lainlain nga sektor.
Pahanumdom ni Bonilla sa mga magaprotesta nga sila ang may kinamatarong sa pagpatigayon sang rally apang dapat nga dumdumon man nga may kinamatarong ang iban nga nagalabay sa dalan.
