Nakahanda na ang mga kapulisan sa Negros Island Region nga i-deploy kadungan sang pagbukas sang klase subong nga adlaw, Hunyo 8.
Sa interview sang Bombo Radyo Bacolod kay Police Lt Col. Joem Malong, spokesperson sang Police Regional Office-Negros Island Region, kasado na ang Oplan Balik Eskwela kun sa diin ang mga kapulisan ang i-deploy sa mga eskwelahan sa mga kabanwahan kag ciudad sa rehiyon.
Suno kay Malong, ang PRO-NIR ang magadeploy sang masobra 1600 ka mga kapulisan.
Sila ang mga magapatuman sang peace and order function kag security and safety sang mga estudyante.
Suno diri, ang deployment ang indi lang sa eskwelahan bangud may yara man sa traffic control kag areas of convergence.
Sang Hunyo 6, nagpatawag sang emergency meeting ang Regional Director sang PRO-NIR agud nga masiguro ang deployment.
Ginpahanumduman man sang regional director ang mga Chiefs of Police sa bug-os nga rehiyon nga dapat mag-coordinate gid sa school heads sang eskwelahan para sa deployment sang police force bangud nga may polisa nga ang mga police ang wala ginapahanugutan sa sulod sang mga eskwelahan.
May ibutang man nga mga Police Assistance Desks (PADS) sa mga eskwelahan.
Ang mga indi naman magpasugot nga may deployment sang mga kapulisan sa sulod sang eskwelahan ilabi na ang private schools siguruhon nalang nga may yara sang kaugalingon nga security forces kag mapatuman nalang sang police visibility sagwa sang mga eskwelahan.
