Kapin 500 ang naaresto nga mga wanted persons sa bilog nga Western Visayas sa bulan sang Marso.
Nagdangat sa 496 ang mga naserbehan sang warrant of arrest gikan sa 482 ka mga operasyon kun sa diin 72 dini ang na-tag nga Most Wanted Persons samtang ang nabilin nga 424 ang na-tag nga Other Wanted Persons.
Nagpanguna naman sa may pinakamataas nga nadakop nga Most Wanted Person ang Iloilo Police Provincial Office nga naka-aresto sang 29; Negros Occidental Police Provincial Office nga nakadakop sang 16, siyam sa Bacolod City Police Office, pito sa Antique Police Provincial Office, lima sa Capiz Police Provincial Office, apat sa Iloilo City Police Office kag duha sa Aklan Police Provincial Office.
Sa pihak nga bahin ang Negros Occidental naman ang nagpanguna sa kadamuon sang mga nadakpan nga Other Wanted Persons nga nagdangat sa 190; samtang 84 naman sa Iloilo; 39 sa Bacolod City; 35 sa Iloilo City; 30 sa Antique, 22 sa Capiz; 15 sa Aklan kag siyam sa Guimaras.
Gindayaw naman ni Police Regional Office 6 Director Police Brig. Gen. Jack Wanky ang effort sang mga kapulisan kag nagpasalig nga magapadayun ang paglagas sang mga kapulisan sa mga wanted persons.
