Wala pa sa gihapon sang matumod nga persons of interest ang Bacolod Police Station 2 sa tatlo ka persona nga nagluthang patay sa 26 anyos nga lalaki sa computer shop sa Purok Lampirong, Barangay 2, Bacolod City kagab-i.
Sa interview sang Bombo Radyo Bacolod kay Police Captain Glen Montaño, station commander Bacolod Police Station 2, nadeklarar nga nagtaliwan ang biktima nga si Benjo San Jose alas-8:40 kagab-i.
Apang sa karun may kabudlayan ang mga kapulisan sa pagtumod sa mga suspetsado bangod madamo sang record ang biktima.
Ini ang imbulbado sa mga robbery, kag theft cases kun sa diin bisan ang kaingod lamang sini ang iya gihapon nga ginabiktima.
Dugang pa ni Montaño nga yara man sa listahan sang mga drug personality si San Jose.
Pahayag sang hepe, nga madamo sang kontra ang biktima kag ini ang may mga record man sang alarm and scandal.
Paathag ni Montaño nga makunsiderar nga tunto nga sahi sang tawo si San Jose.
Bangod sini, plano na kuntani sang mga pumuluyo nga magpetisyon nga mapahalin sa lugar ang biktima.
Suno diri, iban sa mga pumuluyo ang kaangay nga nagtalikaw nga magsugid.
Padayun man nila ginatekyar ang palibot kun may-ara pa sang iban nga CCTV footage nga makabulig sa pagsolbar sa kaso.
