Nagbalik na sa UK public life si Kate Middleton ukon Catherine, Princess of Wales, matapos nagpakita sa publiko sa una nga tion humalin sang nadiagnose ini sang cancer sang pagtambong ini sa military parade sa London kag antes ang kaadlawan ni King Charles III.
Si Kate, ang nagbiyahe sakay sa isa ka karwahe sang estado kaupod ang iya tatlo ka mga kabataan sa pag-umpisa sang tuigan nga event antes ang paglantaw sa ceremonial proceedings nagikan sa viewing point.
Ang 42 anyos nga future queen ang nakita sa balkonahe sang Buckingham Palace, agud nga magcheer sa idalom nga crowd nga nag gwa kag nag-agwanta sang mamunog nga ulan para sa pageantry.
Kapin tatlo man ka bulan matapos nga ginbuyagyag nga ang prinsesa ang nagpaidalom sa chemotherapy treatment.
Wala man ini makita sa public engagement humalin sang Christmas Day service sang tinalikdan nga tuig.
