Nagpalab-ot si King Charles sang pagpakig-unong ang mga nahalitan sang Bagyo Tino kag Super Typhoon Uwan.
Sa mensahe sini paagi sa British embassy sang Manila, hugot ini nga nagakahangawa sa asod-asod kag makahalalit nga bagyo sa pungsod.
Tuman ang kasubo sini kaupod ang iya asawa nga si Queen Camila sang mahibaluan nga madamo sang kabuhi ang nadula bangud sa bagyo.
Una nga nagpalab-ot sang pagpakig-unong ang pila ka pungsod kaangay sang Amerika, Canada, Australia, Ireland, United Arab Emirates kag European Union.
Gin-anunsyar man sang Amerika nga magahatag ini sang 1 million dollars ukon kapin P58.90 million nga bulig para sa biktima sang bagyo kag linog sa Cebu samtang ang China ang magahatag man sang nasambit nga balor bilang bulig man sa mga lugar nga naapektuhan sang Bagyo Tino kag Uwan.
