Nag-issue na sang red alert status ang Office of the Civil Defense – Negros Island Region para sa kabug-usan nga rehiyon bilang preparasyon para sa Bagyo BASYANG.
Santo sa weather forecast ang bagyo magalabay sa southern portion sang Negros Occidental kag maggwa sa northern portion sang probinsya.
Kagab-i napaidalom na sa Signal No. 2 ang southern portion sang Negros Occidental kag Oriental.
Kalabanan naman sa mga Local Government Units nagdeklarar na sang suspension sang klase kag trabaho sa gobyerno kasubong man nga ginkansela na ang byahe sang barko.
Samtang, may yara naman sang pila ka LGUs nga nagmando sang preemptive evacuation sa mga lugar nga high risk area.
Suno kay OCD NIR Director Donato Sermeno III, padayon ang ila monitoring kag koordinsayon sa mga government agencies.
Suno diri, ginalauman ang pagbubo sang madamol nga ulan bisan sa mga areas nga indi na malabyan sang sentro sang bagyo.
Naghatag naman ini sang abiso sa mga LGUs nga magpatigayon sang preemptive evacuation kun kinahanglan.
Pahayag ni Sermeno, wala pa nakarecover ang probinsya sa halit sang bagyo TINO apang sa karun may bag-o na naman nga bagyo.
