Ginpapauli ang pila ka mga estudyante sa Sum-ag National High School kaina alas-12:00 sang udto bangod sa ginabaha gihapon ang pila ka mga classrooms.
Sa interview sang Bombo Radyo Bacolod kay Dr. Mae Pavilario, Principal 4 sang Sum-ag National High School, ginpapauli ang mga Grade 8 students, pila ka section sang Grade 9 kasubong man ang Senior High School.
Suno diri, masami nga ginabaha ang eskwelahan apang mas malala ang subong nga sitwasyon bangod anom ka oras ang tayuyon nga ulan kag kaangay nga may problema sa drainage system sang eskwelahan.
Ang mga ini ang temporaryo nga ginshift sa alternative delivery mode sa ila na mga panimalay.
Ang ginbaha amo ang likod nga bahin sang mga classrooms bangod mas manubo ang elevation sang duta.
Wala naman sang problema sa iban bangod mataas ang PAGCOR building kag ang yara sa atubang ang wala man ginsulod sang tubig.
Suno kay Pavilario, lantawon pa nila ang sitwasyon bwas kun magsubside na ang tubig./
