Ginpahayag ni Pantawid Pamilyang Pilipino Program (4Ps) Party List Representative Jessie Abalos, dapat consistent ang Pilipinas sa pagpakigbato sa pag-angkon sa West Philippine Sea.
Suno kay Abalos, ang ginpatigayon nga maritime cooperative activity (MCA) sa West Philippine Sea, sa tunga sang Pilipinas, Australia, Japan kag Estados Unidos, ang nagapakita lamang nga nagapanindugan ang Pilipinas sa pag-angkon sini sang West Philippine Sea.
Apang, nagphanumdom man ini nga maghalong sa pag-deal sa iban nga pungsod.
Panawagan naman sini nga dapat consistent ang Pilpinas sa pagpakigbato kasubong man nga mag-trabaho sang ila legal nga obligasyon.
Paathag sini nga ang consistency ang dapat nga padayon bisan pa nga may pagbag-o sa mga nagapungko nga opsiyal.
Samtang, wala naman ini sang ihibalo angot sa gentleman’s agreement sa tunga sanday Former President Rodrigo Duterte kag sang China, apang bukas ini sa ideya nga magpatigayon sang imbestigasyon angot diri.
Suno diri, kun ini mapamatud-an mahibaluan man ang iban nga imbulbado diri.
