Liwat nga gintindugan sang Korte Suprema ang desisyon nga nagadeklarar nga unconstitutional ukon paglapas sa layi ang impeachment case batok kay Vice President Sara Duterte.
Ini matapos nagdesisyon ang Korte Suprema with finality nga ibasura ang mosyon sang Kamara angot sa ruling sini sa impeachment sadtong Hulyo 2025.
Suno kay Supreme Court Spokesperson Atty. Camille Ting, ginlapas sang nangin proseso ang one-year bar rule sang gin-file ang ikaapat nga impeachment complaint batok kay VP Sara.
Sa motion for reconsideration nga gin-file sang House of Representatives, nakasaad nga wala ginlapas sang ikaapat nga impeachment complaint ang one-year bar rule kag nangin epektibo lamang ini matapos ma-archive ang una nga tatlo ka reklamo.
Sa pihak sini, ginpahayag sang Korte Suprema nga paglapas sa layi ang indi gilayon pag-akto sa una nga tatlo ka impeachment complaint kag ang pagpasa sang ikaapat pa.
