Nagpasalig ang Negros Power Corporation nga preparado sila sa pagresponde para mapabalik ang linya sang kuryente sa banwa sang Murcia.
Sa interview sang Bombo Radyo kay Engr. Leomel Tambanillo, Assistant Vice President for Planning and Business Operations sang Negros Electic and Power Corporation (NEPC), kahapon nahalitan ang apat ka feeder sang Murcia substation matapos nga magluntad ang buhawi.
Suno diri, alas-3:00 sang hapon kahapon nabalik ang kuryente sa Alijis substation samtang alas-4:00 naman sang hapon napabalik ang kuryente sa Murcia.
Gintinguhaan nga makuha ang mga sanga kag dahon sang kahoy, mga hilamon kag sin nga nag-igo sa linya sang kuryente.
Nagapangabay ini sa karun nga indi na maliwat ang natabo nga pagluntad sang mabaskog nga buhawi sa central Negros apang nagapasalig ini nga nakahanda ang ila crew para magresponde sa ano man nga insidente.
Sa interview kay Melvian Dalian sang Negros Power, kapin alas-2:22 sang hapon kahapon narekord ang power interruption sang naglabay ang buhawi nga may makusog nga hangin.
Suno diri, may yara sang duha ka substation sa idalum sang 69kv line nga amo ang iya ka Murcia kag Alijis substation.
Gin-isolate sang temporaryo ang Alijis substation samtang ginakay-o pa ang substation sa Murcia.
Suno kay Dalian, wala man sang major nga damage sa linya sang kuryente apang nadugayan lamang sila sa pagtrabaho bangod malaba ang linya kag madamo sang mga ginpangkwa ang mga foreign objects nga nasab-it sa linya sang kuryente.
