Nagpanawagan ang anay provincial agriculturist sang probinsya sang Negros Occidental sa gobyerno magpreparar para sa ginapaabot nga La Niña.
Nahibaluan nga sang tinalikdan nga adlaw, gin-anunsyar sang PAG-ASA nga natapos na ang El Niño season kag nag-umpisa na ang tag-ululan
Sa interview sang Bombo Radyo Bacolod kay Atty. Japhet Masculino nga ang mga gobyerno kag ang mga pumuluyo ang magpreparar na para sa La Niña bangud mas makahalalit ini bangud may dala ini nga tubig.
Suno kay Masculino dapat nga ang mga kanal kag mga alagyan sang tubig ang malimpyuhan, agud nga makuha ang mga nagabara nga mga plastics kag iban nga basura nga makatuga sang pagbaha.
Pahayag sini, ang mga pumuluyo ang dapat nga man nga maglikaw sa paghaboy sang basura nga makatuga sang pagbara sang mga alagyan sang tubig.
Dugang pa sini, kun ano ang ginahaboy sang mga tawo, ang magabalik man ini sa iya.
Suno sa anay provincial agriculturists nga nagakapat lang nga disiplinahon sang mga tawo ang kaugalingon agud nga mangin malimpyo ang palibot kag wala sang balik sa atun kaangay sang pagbaha.
