Pormal na nga ginbuksan ang St. Michael Center for Spiritual Liberation and Exorcism sa Makati City sang nakaligad nga Pebrero.
Nahibaluan nga ini ang labing una nga exorcism center sa Asia.
Ginpangunahan ni Manila Archbishop Jose Cardinal Advincula ang pagbendisyon sini nga magaserbe nga headquarters sang Philippine Association of Catholic Exorcists sa idalom sang Catholic Bishop’s Conference of the Philippine kag Archdiocese of Manila.
Sa iya nga homiliya, ginpaathag sang Kardinal nga ang pagbubukas sang center ang indi lamang inagurasyon sang isa ka building kundi isa ka pagpatindog sang misyon para sa espiritwal nga pag-ayo sang mga tumuluo.
Suno kay Fr. Jose Francisco Syquia, Chief Exorcist sang Maynila, ang pagpatindog sang pasilidad ang solusyon sa nagasaka nga numero sang mga kaso sang spiritual distress.
Sa karun, nagabaton ang Simbahan sang masobra duha ka kaso kada adlaw kun sa diin kalabanan ang may kaangtanan sa spiritual oppression.
