Lacson: Maghalong sa nagapameke sang documents

Ginpahanumdom sang gobernador sang probinsya sang Negros Occidental nga maghalong sa mga insidente sang pagpangscam kag pagpangpeke sang mga dokyumento.

Suno kay Governor Eugenio Jose ‘Bong’ Lacson, nakighinon-anon na ini kay Negros Occidental Police Provincial Office Director PCol. Rainerio de Chavez angot sa insidente sang pagkuha sang picture sang mga ID sang mga tawo.

Suno diri, may posibilidad nga gamiton sa illegal activities ang mga data nga nakuha.

Nagpahanumdom si Lacson nga magserbe bilang leksyon ang nagakatabo sa karun nga pagpangpeke sang identity kag pagpangscam agud malikawan nga maintoan.

Paathag sini nga wala lamang nagalibot sa mga Chinese nationals ang ini nga mga insidente apang kasubong man sa mga foreign nationals.