Positibo ang nangin reaksyon ni Negros Occidental Governor Eugenio Jose ‘Bong’ Lacson sa ikatatlo nga State of the Nation Address (SONA) ni President Ferdinand ‘Bongbong’ Marcos Jr., kahapon.
Suno kay Negros Occidental Governor Eugenio Jose ‘Bong’ Lacson, madamo sang natandog nga topiko ang presidente, kalakip na ang pagnubo sang balayran sa kuryente, pagpalapad sang maakomodar sang PhilHealth, kag ang pag-introduce sini kay Sonny Angara bilang bag-o nga Education secretary.
Suno diri, nangin maayo man nga balita para sa mga empleyado sang gobyerno ang pahayag ni Marcos nga salary increase kag paghatag sang medical assistance.
Nangin inspirasyon man suno sa gobernador ang pag-claim ni Marcos sa West Philippine Sea nga matuod nga ginapanag-iyahan sang Pilipinas.
Nag-angkon man sang standing ovation ang pag-ban ni Marcos sa Philippine Offshore Gaming Operators (POGO) sa Pilipinas kasubong man ang nangin masanyog nga pagkontra sa illegal nga druga sa idalum sang iya administrasyon.
