Kalabanan sang emotional support animals ang kuring kag ido apang sa Nevada, USA pinasahi ang nangin emotional support sang isa ka tawo.
Indi kuring, indi ido, indi pispis kundi TIGRE! Huo, Tigre.
Gindakop sang mga otoridad sa Nevada ang pito ka mga tigre nagikan sa Pahrump property kag tag-iya sang tigre nga nagpahayag nga ini ang iya nga emotional support animals.
Ang Nye County Sheriff’s Office kaupod ang Nye County Code Enforcement kag Animal Services nga magpatuman sang search warrant sa Pahrump sa balay ni Karl Mitchell, ang tag-iya sang Big Cats Entertainment.
Suno kay Sheriff Joe McGill, una nangin cooperative si Mitchella apang sa ulihi gin-aresto ini sang mga otoridad bangud nagbato.
Suno sa mga otoridad gindakop nila ang mga tigre bangud sa safety sang publiko, ikaduha sa safety man mismo sang sapat.
Nakagwa man si Mitchell gilayon kag nagpahayag nga ang tigre ang iya nga emotional support animals kag ginpahayag nga aprubado man ini sang iya nga mga doctor.
