Kalabanan sa aton nagapangita sang mga butang nga produktibo kun wala lang man sang obrahon, apang isa ka Chinese nga lalaki ang gin-aresto matapos nga ginpost sini sa social media ang iya pangalan nga may wanted order kag ginpakigbahin pa nga madamo na ini sang nahimo nga krimen, ini tanan bangod lang nga naboringan siya
Bangod wala na gid sang iban pa nga mahimo, ginpost sang Chinese nga lalaki nga nangilkil sang P229,490,000 nga kwarta sa isa ka kompanya; may ginatago nga submachine gun kag 500 ka bala; kag ginhangkat pa sini ang mga tawo nga pangitaon siya para sa masobra P220 million nga reward.
Nagviral ang post sini kag nakuha ang atensyon sang Chinese law enforcement.
Isa ka adlaw matapos sini ginpabugal ang mga krimen nga wala niya man ginhmo, siya ang ginbisita sang Chinese police.
Ginsearch sang kapulisan ang iya balay kag siya ang ginpreso apang wala sang may nakita nga mga firearm ukon dangerous weapons kag dalagko nga balor sang kwarta.
Nangayo sang pasaylo ang lalaki sa ginhimo sini bangod naboringan lamang siya.
Apang siya ang gincharge sa pagpalapta sang sala nga impormasyon kag pagtuga sang social disruption.
