Ano ayhan ang imo nga mangin reaksiyon mo kun makabakal ka sang gamit ang imo man ginapanag-iyahan?
Sa Solihull, West Midlands, ginkawat ang Honda Civic Type R sang lalaki nga si Ewan Valentine sa iya nga driveway.
Gilayon niya nga ginpahibalo ang police kag ang insurer sini.
Apang natak-an ini sa paghulat sang pagiho sang police kag insurer gani nagpangita nalang ini sang salakyan nga mahimo baklon.
May nakita ini nga salakyan nga kaangay gid sa iya nadula nga Type R.
Suno sa iya, registration plate gid lang ang naglain.
Gilayon ini nga ginbakal sang 36 anyos nga lalaki bangud desperado na ini nga maislan ang iya nadula nga salakyan.
Nagbayad ini sang 20,000 pounds ($26,800) apang sang ulihi, nanotisyaran niya ang mga butang kag mga gamit nga pamilyar sa iya.
Labi nagid ini nga nagduda sang nasimhutan sini ang beer sa salakyan.
Nadumduman sini nga na-ula-an niya sang beer ang salakyan sang una.
Gincheck pagid niya ang history kag didto niya nakit-an ang address sini, sang iya ginikanan, sang iya nobya kag ang mga lugar nga ginkadtuan nila sa sulod sang duha ka tuig.
Gin-report niya ini sa kapulisan kag natukiban nga ginpang-islan na sang mga kawatan ang vehicle identification number (VIN) kag iban pa nga detalye.
Nakumpirmar nga iya gid man ang salakyan nga ginbakal sini liwat.
Mangin ang ginbaklan niya ang wala nakahibalo nga kinawatan ang nasambit nga salakyan.
