Arestado ang isa ka lalaki matapos nga magmaoy sa Prk 3, Sitio Pakol, Brgy Hilamonan, Kabankalan City, Negros Occidental sang Marso 23, 2026 sang gab-i.
Ginkilala ang suspetsado nga si alyas Lowe, 33 years anyos, single, construction worker, kag residente sa lugar.
Santo sa report, may nagtawag sa Kabankalan City Police Station agud nga magpangayo sang bulig kasunod sang pag-eskandalo ni Lowe nga nagtuga sang alarma sa mga pumuluyo.
Gilayon man nga nagresponder ang mga kapulisan agud nga i-verify ang insidente kag naabtan ang suspetsado nga nagauyat sang sulpak.
Wala man ini sang may mapakita nga lisensya ukon authority to possess sang armas-luthang.
Sa inisyal nga imbestigasyon, alas 8:40 sang gab-i, ang iloy sang suspek kag ang iya anak nga babayi ang nagahanda na sa pagtulog sang ang suspek ang nag-abot sa ila balay nga may dala nga wasay.
Ginhungod sini nga ginguba ang mga bintana kag pwertahan sang balay.
Gilayon gindakop ang nasambit nga persona kag sa karun nakahunong na sa Kabankalan City Police Station.
