Patay ang isa ka lalaki matapos maipit sang wingvan truck samtang nagapasaka sa pampasahero nga jeep sa Brgy. Mansilingan, ciudad sang Bacolod sang udto.
Sa interview sang Bombo Radyo kay Police Major Carmelo Nermal, station commander sang Bacolod Police Station 7, ginpahayag sini nga nagapasaka sa isa ka jeep nga may routa halin Bacolod padulong Murcia ang biktima nga si Diosdado Jurada, 62 anyos, sang hinali lang nga ginbungguan sang wingvan truck ang likod sang jeep gani naipit ini sa tunga sang duha ka salakyan kag ginbawian sang kabuhi.
Pilason man ang duha ka mga pasahero sang jeep kag ang driver sang wingvan truck nga malagyo pa kuntani apang gilayon man nga nagsungka.
Yara sa karun sa regional hospital ang mga pilason.
Nakatalana naman ang suspetsado nga pasakaan sang kaso nga reckless driving resulting to homicide and multiple physical injuries.
