Arestado ang isa ka lalaki matapos nga ginsakit ang tatlo ka babayi nga iya nasugata sa dalan sa nagkalain-lain nga lugar sa Cebu City.
Ang lalaki ang ginapatihan nga akig sa mga gwapa nga babayi.
Desidido naman ang mga bitkima nga magpasaka sang complaint batok sa suspetsado.
Una nga nabiktima sini ang isa ka 33 anyos nga babayi nga nagalakat sa Barangay Cogon Ramos, sang hinali lang sini nga ginsiko ang babayi sa nawala nga mata.
Kasunod sini amo ang 20 anyos nga babayi sa Osmena Blvd nga ginsumbag sang suspetsado sa ilong.
Samtang ang ikatatlo naman nga biktima, amo ang 22 anyos nga babayi nga ginsumbag sini sa nawala nga mata.
Santo sa impormasyon sang mga pulis, ang rason gid lamang sang suspetsado amo nga wala ini nanamian sa mga gwapa nga babayi bangod nga sila ang mga “fake” ukon peke.
Magluwas sa mga pilas kag lagob nga naangkon sang mga biktima, nagka-trauma man ang mga ini bangod sa ginhimo sang lalaki.
Samtang, padayon sa gihapon ang imbestigasyon sang kapulisan kadungan sa pagpasaka sang complaint batok sa suspetsado nga multiple serious physical injuries.
