Nagtaliwan na ang legendary nga international boxing referee nga si Bruce McTavish sa edad nga 84.
Ginkumpirmar sang iya pamilya ang pagtaliwan sini sa Angeles City, Pampanga.
Ginbun-ag si McTavish sa Auckland, New Zealand sang 1940 kag ginhatagan sang Filipino citizenship sang 2018 pagkatapos sang 51 ka tuig nga pagpuyo sa Pilipinas.
Nagtrabaho ini bilang office manager sang isa ka American automobile manufacturer sa Clark, Pampanga antes siya nangin professional nga referee.
Nangin referee siya sa masobra 150 ka boxing matches, kalakip na ang famous nga match ni Manny Pacquiao batok kay Oscar Larios sang 2006.
Makatatlo ma ka beses nga ginpasidunggan si McTavish tatlo bilang Referee of the Year sang World Boxing Council (WBC) sang 2013, 2015, kag 2017.
Ini man ang una nga referee sa world title fight sang women’s boxing nga ginpatigayon sa tunga ni Siriporn Thaweesuk kag Ayaka Miyano sa Bangkok, Thailand sang 2006.
Ginahaya sa karun ang bangkay sini sa Divine Mercy sa Carmenville, Angeles City, kag ang ini ang igalubong sa Hulyo 20.
