Plano sang alkalde sang Bacolod nga hugton ang pag-implementar sang tax collection sa ciudad agud malab-ot ang P3 billion nga annual budget sa 2020.
Nahibaluan nga aprubado na sa second reading sa session sang Sangguniang Panlungsod sang Bacolod ang proposed 2020 annual budget kun sa diin ang katunga ang magahalin sa internal revenue allotment (IRA) nga nagabalor sang P1.26 billion samtang P1.258 billion naman ang magahalin sa local taxes.
Sa interview sang Bombo Radyo Bacolod kay Mayor Evelio “Bing” Leonardia, ginpahayag sini nga dapat magpanukot ang ciudad sang mas mataas nga buwis.
Nagalaom man ini nga kuntani direkta nalang nga nagabayad sang buwis ang mga dalagkuan nga mall sa city government imbes sa national government.
Samtang, ginpasiguro naman sang alkalde nga antes matapos ang 2019, maaprubahan na sa 3rd and final reading ang proposed annual budget para sa masunod nga tuig.
