Anom ka balay ang gintupok sang kalayo sa sunog nga nagluntad sa Purok Roadside, Brgy. Tangub, Bacolod City, Miyerkules sang hapon, June 26.
Sa interview sang Bombo Radyo Bacolod kay Fire Superintendent Jenny Mae Masip, Fire Marshal sang Bacolod City Fire Station, anom ka balay ang totally damaged kag lima ang partially burned kun sa diin 11 ka mga pamilya ang apektado.
Suno diri, nagdangat sa kapin sa P600,000 ang balor sang halit sang sunog.
Wala naman sang reported nga napilasan ukon casualties sa nagluntad nga sunog.
Dugang pa sini, kahapon sang kaagahon may yara man sang sunog nga nagluntad sa Purok Magti-ayon, Barangay 10, Bacolod City.
Panugyan ni Masip, dapat nga tsekyaron ang mga wirings sang kuryente kag likawan ang paggamit sang substandard nga electrical wires, bangod nga electical in nature ang kalabanan nga rason sa mga sunog nga nagluntad sa ciudad.
