Lima ka bulan nga lapsag sa Barangay Taculing, naanod kadungan sang baha kahapon

Isa ka lima ka bulan nga lapsag ang naanod sang baha sa Brgy. Taculing, ciudad sang Bacolod kagab-i.

Ini santo sa impormasyon nga ginhatag ni Aaron Bais, ang head sang City Disaster Risk Reducation and Management Office (CDRRMO).

Suno kay Bais, nagakatulog ang pamilya sang lapsag kagab-i, kag nakabugtaw na lamang ang mga ini sang nahibaluan nga gina-anod na sang baha ang ila balay sa Purok Malinong, Brgy. Taculing.

Nakapanghawid ang mga ginikanan apang nadala gid sa baha ang lapsag.

Gilayon naman nga nagpatigayon sang rescue operations ang mga otoridad, apang tubtob kagab-i, wala pa nakita ang bata.