Ginkumpirmar ni Iran Supreme Leader Ayatollah Ali Khamenei nga linibo-libo na ka mga tawo ang napatay sa nakaligad nga mga protesta sa Iran, kag ginlaragway ini bilang isa ka “inhuman, savage manner.”
Ini ang kasunod sa mga protesta nga nagsugod sang nakaligad nga Disyembre 28 bangud sang mga problema sa ekonomiya sang Iran kag sang panawagan nga tapuson na ang pagpamuno ni Khamenei.
Santo sa US-based Iranian Human Rights Activists News Agency (HRANA), indi magnubo sa 3,090 ka mga indibidwal ang napatay sa lapnagon nga mga protesta, samtang may pila ka grupo sang mga aktibista nga nakarecord sang mas mataas pa nga numero.
Apang gin-ako sang envoy nga nabudlayan sa gihapon sila sa pagkumpirma sang insakto nga numero bangud sa mga internet blackout.
Sa pihak nga bahin, ginbasol ni Khamenei ang Estados Unidos sa nasambit nga gamo, gintawag niya si U.S. President Donald Trump bilang isa ka “kriminal.”
Pahayag sini nga ang katuyuan sang Amerika amo ang lamunon ang Iran.
Dugang pa sang Supreme Leader nga dapat pagbayaran sang US ang mga natabo nga gamo sa Iran.
