Napasa na sang Bacolod City Local Government ang listahan sang mga drivers nga nag-apply para sa fuel assistance.
Sa interview kay Bacolod City Mayor Greg Gasataya, gintipon nila ang documents nga ginpasa sang mga drivers sang traditional kag modernized Public Utility Jeepney nga nag-apply para sa fuel assistance kag ginpasa sa Land Transportation Franchising and Regulatory Board (LTFRB).
Suno kay Gasataya, ginpahibalo man sila ni LTFRB Negros Island Region Atty. Gerry Llena nga napasa naman sa central office sang ahensya ang dokyumento kag nagahulat lamang sila sang advise.
Nagdangat sa kapin 7000 ang mga drivers ang yara sa ginpasa nga listahan kag ini ang mga driver sang jeep nga modernized kag traditional, taxi,Transport Network Vehicle Services (TNVS) kag drivers in service.
Samtang ang mga wala nadala sa nahatagan sang cash assistance nga tricycle drivers ang napasa naman sang ciudad kahapon ang mga dokyumento para sa mga appeal sang mga ini.
Nakahinun-anon naman ang alkalde kay DSWD NIR Director Razo kag nagpahayag ini nga hulaton lamang ang ila nga abiso.
