Ginalibot sa karun sang Land Transportation Franchising and Regulatory Board (LTFRB) – Negros Island Region ang pila ka mga banwa kag ciudad sa pagverify sang mga listahan sa sang kwalipikado nga mga driver para sa paghatag sang fuel subsidy.
Sa interview sang Bombo Radyo Bacolod kay LTFRB-NIR Director Atty. Gerry Llena, ga-collaborate na sila sa pila ka mga alkalde sa banwa kag ciudad sang probinsya agud mahitso ang listahan sang mga driver kag masiguro nga mapanatag sang insakto ang subsidy.
Suno diri, posible nga ipaagi sa bangko ukon EMI (Electronic Money Institution) platform ang pag-deliver sag fuel subsidy sa tagsa ka mga drivers.
Dugang pa, may ara na sila sang daan nga listahan sang mga benepisyaryo nga mga drivers apang indi sila magabase diri bangud posible nga may iban nga magreklamo nga mga kwalipikado nga mga driver kun wala sila nadala sa lista.
Suno kay Llena, ginatinguhaan nila sa subong nga malibot ang tanan nga local government unit agud mapadasig gilayon nga mapanagtag ang ayuda.
Ginapangayo sini ang pag-intindi sang mga pumuluyo kag kooperasyon sang mga alkalde agud matigayon na nga mabaton sang mga drivers ang ila subsidy.
