Panilagan pa sang transport group nga Bacolod Alliance of Commuters, Operators and Drivers (BACOD) kun magasige sa pagpatigayon sang transport strike ang national transport group nga MANIBELA subong nga adlaw, kag magasunod man ang mga ini bilang pagsuporta.
Sa interview sang Bombo Radyo Bacolod kay Rudy Catedral, Nagpatigayon sang untat byahe ang pila ka grupo sang unconsolidated tradional jeepneys kun sa diin nagdangat sa kapin 700 ka mga drivers kag operators ang nag-untat sang biyahe.
Suno kay Catedral, indi man bilog nga adlaw naguntat-biyahe ang mga drivers bangud kinahanglan man sang mga ini makakita sang income apang sang hapon naggrahe ang mga ini.
Suno diri, madamo ang mga pasahero ang nastranded bangud madamo sa ila ang nag-untat sang biyahe.
Pahayag sini, sila ang magapatigayon sang untat-byahe bangud sa sala nga datos nga ginpagwa sang Land Transportation Franchising and Regulatory Board kun sa diin ginapakita nga madamo na ang nag-upod kag nagpaconsolidate sa ginakabig sini nga palpak nga programa nga PUV modernization program.
Suno diri sang Biyernes, Marso 21, nagmeeting sila ni DOTr Secretary Vince Dizon kag ginpatpat sini ang kamatuoran nga madamo sang nagkalahul-an nga driver-operators sang traditional jeepney sa ciudad sang Bacolod nga ginpabiyahe lang nga wala sang prangkisa, wala sang registrations kag insurance humalin sang Abril 30 sang tinalikdan nga tuig tubtob sa karun.
Ginpaimbestigaran Nakibot ang bag-o nga tiglikom sang Department of Transportation sa mga problema sang Jeepney Modernization Program.
Suno diri, kun kaluy-an duha ka semana humalin subong mahimo nga marenew na ang mga prangkisa sang mga unconsolidated jeepneys.
Ginpahayag man sini nga kun indi pag-irenew ang ila nga mga papeles, magapadayon man sila sagihapon sa pagsinggitan bisan wala sila sang permit agud nga mapakita kun pila gid ang apektado sa ginakabig sini nga palpak nga jeepney modernization program.
