ESTADOS UNIDOS – Nahimo nga makasalbar ni former US President Donald Trump matapos nga sa natuo nga dulunggan lamang ang naangkon nga samad kasunod sang assassination attempt samtang ini ang nagapatigayon sang campaign rally.
Ang insidente ang nagtuga man sang panic sa mga tumalan-aw samtang makit-an man ang dugo sa guya sang Republican presidential candidate, antes sini gin-alsa ang iya inumol kadungan sa pagbuya sang tinaga nga ”Fight! Fight! Fight!”.
Gilayon man nga napatay sang secret service agent ang gunman, apang napatay naman ang isa sa mga nagtambong sa event samtang may duha ka iban pa nga nasamaran.
Makita sa campaign rally footage ang hinali nga pagkapot ni Trump sa iya nga natuo nga dulunggan kag gilayon man nga nagkuob panago sa podium antes ini ginpalibutan sang mga Secret Service agents.
Makaligad sang kapin isa ka minuto, ini ang gin-alalayan na sang mga agents sa nagahulat nga salakyan.
Sa karun wala pa matumod ang identity sang suspect kag ang motibo sa krimen.
Gilayon man nga nagpagwa sang official statement si US President Joe Biden nga nagakondinar sa political violence.
Padayun man ini nga nagatsekyar sa kondisyon ni Trump kasubong man sang mga naulamid nga audience.
