Gin-arpubahan na sang Land Transportation Franchising and Regulatory Board (LTFRB) ang P1.00 tubtob P40.00 nga fare hikes sa tanan nga public utility vehicles, luwas sa mga taxi kag motorcycle-taxi.
Ini kadungan sa tuman nga pagsaka sang presyo sang produktong petrolyo, nga resulta sng nagapadayun nga gyera sa Middle East.
Ang fare increase ang umpisa nga ipatuman sa Huwebes, Marso 9, 2026.
Suno kay LTFRB chairman Assistant Secretary Vigor Mendoza II ang P1.00 nga provisional fare increase nga ginapatuman sang mga jeepney drivers ang himuon na nga permanente.
Ang mga pagbag-o ang sarang na nga mapatuman sa Huwebes, apang ang fare matrix ang mahimo ipagwa antes ang bulan sang Hunyo.
Yari ang mga aprubado nga rate adjustments:
–Tradition Jeepney – Luwas sa P1.00 nga provisional increase nga himuon permanente, may idugang pa nga P1.00, gani ang minimum base fare ang magapatak na sa P14.00 gikan sa anay P13.0 sa first 4 kilometers, samtang may P2.00 naman nga pagsaka sa kada dugang nga kilometro.
–Modernized Jeepney – May P2.00 fare hike para sa minimum base fare, gani gikan sa P15 magasaka na sa P17 ang first 4 kilometers, samtang P2.40 naman sa dugang nga kilometro.
–Provincial bus (ordinary) – May P1.00 nga pagsaka sa minimum fare gani mangin P12.00 na gikan sa anay P11.00; samtang P2.20 naman ang succeeding per kilometer charge.
–Provincial bus (aircon) – May P1.00 nga pagsaka sa minimum fare gani mangin P12.00 na gikan sa anay P11.00; samtang P2.45 naman ang succeeding per kilometer charge.
