Nagapaalinton ang Land Transportation Office sa mga traditional jeepneys nga magparehistro na para man sa proteksyon sang riding public.
Suno kay LTO Assistant Regional Director Atty. Gaudioso Geduspan, may yara sang agreement nga tanan nga non-registered vehicles ang mangin subject sa sanctions sang law enforcement teams.
Gani ini ang nagahimo sang anunsyo agud makapreparar ang mga public utility jeepneys nga irehistro ang ila mga salakyan.
Suno diri, kun indi rehistrado ang isa ka jeep, wala ini sang insurance, nga para sa protesksyon sang riding public.
Suno kay Geduspan, nangin madinalag-on ang ila paghinun-anon kaupod kay Mayor Alfredo Benitez, Bacolod Traffic Authority Office kag Land Transportation Franchising and Regulatory Board (LTFRB) tuhoy sa mga ginahingyo sang mga traditional jeepneys may kaangtanan sa modernization plan sang gobyerno.
Ang mga registered nga PUJs nga wala sang franchise ang kabigon nga private apang sarang nga makabiyahe paagi sa paghatag sang interim service tubtob Marso 2023.
Ginpahayag naman ni Mayor Alfredo Benitez nga indi pagpahanugutan sang ciudad nga mabutang sa ital-ital ang mga pasahero kag indi mahatagan sang benepisyo kun may matabo gani dapat nga magparehistro gid ang mga PUJs.
Suno diri, sa karun, sila ang nagasulod na sa isa ka transfer plan nga amu ang magalegitimize agud indi mangin illegal ang mga PUJs nga nagabyahe paagi sa paghatag sang interim service santo sa requirements nga igapasa sa LTFRB.
Suno sa alkalde, sa akrun ila pa ginareview ang numero sang mga modernized jeepneys nga kinahanglanon sa ciudad kag nagpasalig nga may yara sila sang pamaagi sa pag-augment sang nagakaigo nga numero sang units sa Bacolod.
