Kasunod sang pagkapatay sang ginkilala nga World Oldest Living Person sang Guinness World Record nga si Kane Tanaka sang Fukuoka City, Japan sa edad nga 119 anyos sang Abril 19, isa naman ka 118 anyos nga madre ang nagbulos sa record.
Ang 118 anyos nga madre ang naga-estar sa isa ka nursing home sa Southern France.
Si Sister Andre ang ginakabig man nga world’s oldest living nun kag mismo amo ang pinakatigulang na nga madre santo sa statement sang Guinness World Record sang Lunes.
Ang madre ang ginbun-ag sa pangalan nga Lucile Randon sang Pebrero 11, 1904.
Gindidikar naman ni Sister Andre ang malawig sini nga kabuhi sa religious service.
Antes ini nangin madre sa Simbahang Katoliko, siya ang naga-atipan sang mga kabataan sa tion sang World War II kag 28 ka tuig nga nag-atipan sang mga wala sang ginikanan kag katigulangan sa ospital.
Si Sister Andre nga nagapuyo malapit sa French City nga Toulon, amo man ang world’s oldest nga COVID-19 survivor.
Sa statement sang Guinness World Records, ang madre ang nagpositibo sa virus sa umpisa palang sang 2021, apang nakarecover man gilayon makaligad ang tatlo ka semana, antes ang iya nga ika 117 nga kaadlawan.
Nagasamo naman ang emosyon ni Sister Andre karun nga siya na ang gindeklarar nga panibag-o nga World Oldest Living Person.
Pahayag sini nga para sa iya mas maayo kun yara na ini sa langit apang wala pa ini ginkuha sang Ginoo gani ginatawag man sini ang titulo nga “sad honor”.
Apang ginpakigbahin man sini ang kalipay kadungan sa pagpagusto sa iya kag pag-atipan sang iya nga pamilya.
Si Sister Andre ang maka-enjoy sang chocolate kag wine, kun sa diin siya ang naga-inom sang iya ka glass kada adlaw sa iya nga nursing home nga Residence Catherine Laboure.
Sang siya ang nagdangat sa edad nga 118 anyos subong nga tuig, ang tigulang nga madre ang nakabatun sang handwritten nga birthday note gikan kay French President Emmanuel Macron, ang ika 18 nga French President nga iya naabutan.
May-ara naman sang napulo ka mga nagbulos nga Santo Papa sa Catholic Church humalin sang siya ang natawo.
Ang titulo sang pinakatigulang nga persona nga narecord ang ginapanag-iyahan man sang French nga babayi.
Natawo sang February 21, 1875 ang kabuhi ni Jeanne Louise Calment ang naglawig sang 122 ka tuig kag 164 ka adlaw santo man sa statement sang Guinness World Records.
