Wala nagperma ang mag-amay nga Benitez nga mga kongresista sa Negros Occidental kag distrito sang Bacolod City sa manifest of support kay House Speaker Martin Romualdez.
Sa Negros Occidental nagperma sa manifest of support kay Romualdez sanday 1st District Representative Jules Ledesma, 2nd District Representative Alfredo Maranon III, 4th District Representative Jeffrey Ferrer, 5th District Representative Dino Yulo kag 6th District Representative Mercedes Alvarez.
Sa Negros Oriental naman, nagperma sanday 1st District Representative Emmanuel Iway, 2nd District Representative Ma. Isabel Sagarbarria, kag 3rd District Representative Janice Degamo, kag nagperma man si Siquijor Lone District Congressman Zaldy Villa.
Nagapabilin nga wala nagperma sa manifest of support amo ang mag-amay nga sanday Negros Occidental 3rd District Representative Javier Miguel Benitez kag amay sini nga si Bacolod City Lone District Representative Alfredo Benitez.
Suno kay Negros Occidental 4th District Representative Jeffrey Ferrer, nagtawag ini kay Congressman Javi Benitez apang naghambal ini nga matawag lang siya matapos ang lima ka minutos apang suno kay Ferrer wala siya sang may nabaton nga tawag halin sa kongresista sang 3rd district.
Suno kay Ferrer, tanan nga kongresista sa Negros Island Region nagasuporta kay House Speaker Martin Romualdez kag sa papel sang manifest of support yara ang pangalan ni Congresman Javi Benitez apang wala ini sang perma.
