Padayon pa nga ginapangita ang mag-amay nga nahulog sa sakayan pandagat nga nagabiyahe padulong sa Zamboanga Del Norte.
Santo sa impormasyon nakaabot na sa Zamboanga Del Norte ang bangka nga ginsakyan sang mag-amay apang ang duha ang wala pa nakita.
Ang bata ang nahulog sa sakayan samtang nagabiyahe sa Zamboanga Del Norte bangud ginhire ang mga ini nga magsalom sang shells bangud gina-alegar sa katuyuhon sini kag gilayon man nga naglumpat ang amay sini nga si Giovanni para luwason ang iya nga bata apang wala na ini nakita sang mga kaupdanan nila bangud sa mabaskog nga balod.
Sa karun padayon pa ang pagpangita sang mga otoridad sa duha.
Sa interview sang Bombo Radyo Bacolod kay Police Lt Col. Eduardo Corpus, hepe sang Hinigaran Municipal Police Station, wala sang pag-ulan apang mabaskog ang hangin sa banwa sang Hinigaran kag may yara naman sang evacuees bangud sa malain nga panahon.
Apang, nagahulat pa ang mga ini sang update sang Disaster Risk Reduction Management Office kun may nagdugang sa mga evacuees.
Samtang, suno kay Corpus, indi makumpleto ang detalye sini sa nagluntad nga insidente sa pagkadula sang mag-amay matapos mahulog sa baybayon sang Zamboanga Del Norte.
Ginpahayag man sini nga ang duha ang ginahire bilang manugsalom sang pakinhason.
Suno pa sa hepe nagpangayaw ang mga ini sa Zamboanga apang indi man ang mga ini tumandok sang Hinigaran bangud nagmigrate lamang ang mga ini sa banwa.
Sa karun, ginakompleto pa sang mga kapulisan sa Hinigaran ang mga detalye sang insidente kag nagapakig-angot pa ang mga ini sa Coast Guard angot sa insidente.
