Para sa pagsuporta sa environmental sustainability, nagtukod sang Magseedalagan activity ang third year students sang University of St. La Salle- Bacolod.
Sa interview sang Bombo Radyo kay Ela Marie Distrito, Chairman sang Aeiforia Production, ang ila activity ang indi lamang physical activity apang ini ang makabulig pa sa palibot.
Suno diri, ang isa ka entry sang participant, ang equivalent sa isa ka tanum nga mangrove.
Aminado man si Distrito, nga aware na ang mga tawo ilabi na ang mga nagasunod nga henerasyon sa nagakatabo sa environment.
Gin-imbita naman sang Vice Chairman sang Aeiforia Production nga tanan nga luyag nga mag-intra.
Sa interview sang Bombo Radyo kay Angel Kristine Jabat, may yara sila sang 3 Kilometer run, 5 km kag 10 km.
Ini ang may registration fee nga P450, P550 kag P650.
Nakasulod naman diri ang t-shirt, tote bag, snacks, certificate of participation kag raffle kasubong man nga may yara sang ipanagtag nga finshers medal sa tanan nga 10km runners, 30 sa 5km runners kag 20 sa 3km runners.
Mahimo man nga madala sang mga fur parents ang ila nga pet basta sa 3km category lamang.
Ang registration ang tubtob sa Abril 30, kag sa Mayo 4, alas- 5:00 sang maga-umpisa ang magseedalagan.
Samtang sa Mayo 10 naman sila magapatigayon sang mangrove planting sa Barangay Balaring, Silay City.
