BACOLOD CITY — Pila ka mga mahigko nga pader sa palibot sang ciudad sang Bacolod ang ginlimpyuhan sang Police Community Relations ukon PCR sang Bacolod City Police Office, Huwebes nga adlaw.
Ini ang kadungan sang obserbasyon sang Philippine National Police sang PCR Month subong nga bulan sang Hulyo.
Suno kay BCPO PCR Head Police Chief Inspector Ruel Culanag, nagpaminta sila sang mga pader nga mahigko na bangud sa vandalism.
Ini ang kaangay na gid lamang sang nahamtang sa corner BS Aquino – Aguinaldo Streets kag iban pa gid nga mga pader sa dalan Lacson.
Ang mga ini ang ginpintahan sang puti kag natalana nga butangan sang mural sang Bacolod Artists Group agud nga mabutangan sang mapuslanon nga mga painting.
Kaupod sang PCR ang mga miyembro sang Bacolod City Police Station 2 sa pagpamuno ni Police Chief Inspector Benedicto Villarias bilang station commander.
