Gin-anunsyar sang Office of the President nga magapatigayon ang Malacanang sang heroes welcome para sa mga Filipino Olympians nga natalana nga magabalik sa pungsod sa Martes sang gab-i.
Ang Pilipinas ang naghimo sang kasaysayan sa 2024 Paris Olympics matapos nga nakatipon ang national athletes sang duha ka gold kag duha ka bronze.
Natalana nga maabot sa Pilipinas gikan sa Paris sanday Two-time Olympic gold medalist Carlos Yulo, bronze medalists Nesthy Petecio kag Aira Villegas, kag iban pa nga mga Filipino Olympic athletes alas 6:00 ang takna sa gab-i sa Martes paagi sa chartered flight kag sila ang pagasugataon sang ila tagsa ka mga pamilya sa Maharlika Presidential Hangar sa Villamor Air Base sa Pasay City.
Suno kay Chief of Presidential Protocol Reichel Quiñones, sa tion nga makaabot na ang mga nasambit nga atleta, magaderecho sila sa Malacaniang Palace kun sa diin abi-abihon sila sang Presidente kag sang First Lady para saawarding ceremony kag dinner reception, said in a Palace briefing.
Suno sa opisyal sang Malacanang nga simple lamang ang homecoming apang ini ang “meaningful”.
